Lëvizja Socialiste për Integrim i është bashkuar thirrjes së Partisë Demokratike për lënien e mandateve. Kryetarja e LSI-së, Monika Kryemadhi ka firmosur dorëzimin e tyre, ndërkohë që pas saj edhe deputetët e tjerë të kësaj force politike kanë vijuar të firmosin dorëheqjen e tyre nga mandati i deputetit.
Por, ashtu siç kishte paralajmëruar dje, me këtë vendim nuk ka qenë dakord një nga deputetët e LSI-së, Lefter Koka. Ai u distancua nga ky vendim duke theksuar se është zgjedhur nga vullneti i popullit
Ndërkohë, kreu i grupit parlamentar të LSI-së, Petrit Vasili, ka reaguar pas deklaratës së OSBE-së, duke theksuar se kjo organizatë ishte e para që denoncoi blerjen e votave më 25 qershor.
“OSBE ka qene e para, qe i vuri vulën blerjen e votave ne 25 qershor,vota qe prodhuan qeverinë ilegjime të Edi Ramës. Opozita eshte e gjitha ne kembe per te vendosur legjitimitetin e qeverisjes,te votes se lire dhe te demokracise. Edhe Prokuroria shqiptare ka provuar shitblerjen e votes edhe Voice of America i beri publike boterisht, - shkruan Vasili në Fb. - Pse OSBE sot harron raportin e OSBE për zgjedhjet e 25 qershorit që i vë vulën shitblerjes dhe kriminalizimit të votës”.
Vasili publikon edhe raportin përfundimtar të OSBE-së, siç thotë dhe vetë e zeza mbi të bardhë:
“The campaign ëas characterized by ëidespread allegations of vote-buying, concerns over abuse of state resources and ëorkplace-related pressures on voters, ëhich further reduced public trust.”
“Fushata u karakterizua nga akuza të shumta të blerjes së votës, shqetësime mbi abuzimet me resurset shtetërore dhe presione për vendin e punës në këmbim të votës. E gjithë kjo uli ndjeshëm besimin e publikut”. “Several OSCE/ODIHR EOM interlocutors expressed concerns that individuals ëith a criminal past still played significant roles in the campaign, either as candidates or as supporters”. “Shumë prej vazhguesve të OSBE-ODIHR shprehen shqetësim që individë me precedentë kriminalë kanë luajtur rol të rëndësishëm gjatë fushatës, qoftë si kandidatë, qoftë si mbëshetës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.